Taikns Galaubeinais

Galaubjam du ainamma Guda Attin allwaldand, skapa himinis jah airþos, allaize gasaiƕanane jah ungasaiƕanane;

jah du ainamma Fraujin Ïesu Xristau, ainabaura Sunau Gudis, gabauranamma us Attin faur allans aiwins: Liuhaþ us liuhada, Guþ sunjis us Guda sunjamma, gabaurans, ni gaskapans, samawisteins Attin, þairh þamma allata warþ;

saei faur uns mans jah faur nasein unsara us himinam dalaþ atiddja, jah leik warþ us Ahmin Weihamma jah Mariïn Magaþai, jah manna warþ;

ïs warþ auk faur uns uf Pauntiau Peilatau ushramiþs, jah gaþulaida, jah was ganawistroþs, jah þridjin daga urrais afar bokom, jah usstaig ïn himin, jah gasitiþ af taihswon Attins, jah aftra qimiþ miþ wulþau stojan qiwans jah dauþans, þizei þiudinassus ni andi habaiþ;

jah du Ahmin þamma Weihin, þamma Fraujin jah Gibands libainais, saei us Attin usgaggiþ, saei miþ Attin jah Sunau ïnweitada jah gaswerada, saei qaþ þairh praufetuns;

du ainai weihai aikklesjon kaþauleigai jah apaustauleigai;

andhaitam ainai daupeinai du fraleta frawaurhte;

beidam usstassais dauþane, jah libainais anawairþins aiwis.

Amen.

Galaubeins Nikaias-Konstanteinupauleins / Galaubeins Nikaias ïn razdai gutiskai, skeireins fram Ïostaiha (2025).

The Nicene Creed (Niceno-Constantinopolitan Creed) / Symbol of Faith in the Gothic language, a translation by 2sh (2025).