𐍄𐌰𐌹𐌺𐌽𐍃 𐌲𐌰𐌻𐌰𐌿𐌱𐌴𐌹𐌽𐌰𐌹𐍃

𐌲𐌰𐌻𐌰𐌿𐌱𐌾𐌰𐌼 𐌳𐌿 𐌰𐌹𐌽𐌰𐌼𐌼𐌰 𐌲𐌿𐌳𐌰 𐌰𐍄𐍄𐌹𐌽 𐌰𐌻𐌻𐍅𐌰𐌻𐌳𐌰𐌽𐌳, 𐍃𐌺𐌰𐍀𐌰 𐌷𐌹𐌼𐌹𐌽𐌹𐍃 𐌾𐌰𐌷 𐌰𐌹𐍂𐌸𐍉𐍃, 𐌰𐌻𐌻𐌰𐌹𐌶𐌴 𐌲𐌰𐍃𐌰𐌹𐍈𐌰𐌽𐌰𐌽𐌴 𐌾𐌰𐌷 𐌿𐌽𐌲𐌰𐍃𐌰𐌹𐍈𐌰𐌽𐌰𐌽𐌴;

𐌾𐌰𐌷 𐌳𐌿 𐌰𐌹𐌽𐌰𐌼𐌼𐌰 𐍆𐍂𐌰𐌿𐌾𐌹𐌽 𐌹̈𐌴𐍃𐌿 𐍇𐍂𐌹𐍃𐍄𐌰𐌿, 𐌰𐌹𐌽𐌰𐌱𐌰𐌿𐍂𐌰 𐍃𐌿𐌽𐌰𐌿 𐌲𐌿𐌳𐌹𐍃, 𐌲𐌰𐌱𐌰𐌿𐍂𐌰𐌽𐌰𐌼𐌼𐌰 𐌿𐍃 𐌰𐍄𐍄𐌹𐌽 𐍆𐌰𐌿𐍂 𐌰𐌻𐌻𐌰𐌽𐍃 𐌰𐌹𐍅𐌹𐌽𐍃: 𐌻𐌹𐌿𐌷𐌰𐌸 𐌿𐍃 𐌻𐌹𐌿𐌷𐌰𐌳𐌰, 𐌲𐌿𐌸 𐍃𐌿𐌽𐌾𐌹𐍃 𐌿𐍃 𐌲𐌿𐌳𐌰 𐍃𐌿𐌽𐌾𐌰𐌼𐌼𐌰, 𐌲𐌰𐌱𐌰𐌿𐍂𐌰𐌽𐍃, 𐌽𐌹 𐌲𐌰𐍃𐌺𐌰𐍀𐌰𐌽𐍃, 𐍃𐌰𐌼𐌰𐍅𐌹𐍃𐍄𐌴𐌹𐌽𐍃 𐌰𐍄𐍄𐌹𐌽, 𐌸𐌰𐌹𐍂𐌷 𐌸𐌰𐌼𐌼𐌰 𐌰𐌻𐌻𐌰𐍄𐌰 𐍅𐌰𐍂𐌸;

𐍃𐌰𐌴𐌹 𐍆𐌰𐌿𐍂 𐌿𐌽𐍃 𐌼𐌰𐌽𐍃 𐌾𐌰𐌷 𐍆𐌰𐌿𐍂 𐌽𐌰𐍃𐌴𐌹𐌽 𐌿𐌽𐍃𐌰𐍂𐌰 𐌿𐍃 𐌷𐌹𐌼𐌹𐌽𐌰𐌼 𐌳𐌰𐌻𐌰𐌸 𐌰𐍄𐌹𐌳𐌳𐌾𐌰, 𐌾𐌰𐌷 𐌻𐌴𐌹𐌺 𐍅𐌰𐍂𐌸 𐌿𐍃 𐌰𐌷𐌼𐌹𐌽 𐍅𐌴𐌹𐌷𐌰𐌼𐌼𐌰 𐌾𐌰𐌷 𐌼𐌰𐍂𐌹𐌹̈𐌽 𐌼𐌰𐌲𐌰𐌸𐌰𐌹, 𐌾𐌰𐌷 𐌼𐌰𐌽𐌽𐌰 𐍅𐌰𐍂𐌸;

𐌹̈𐍃 𐍅𐌰𐍂𐌸 𐌰𐌿𐌺 𐍆𐌰𐌿𐍂 𐌿𐌽𐍃 𐌿𐍆 𐍀𐌰𐌿𐌽𐍄𐌹𐌰𐌿 𐍀𐌴𐌹𐌻𐌰𐍄𐌰𐌿 𐌿𐍃𐌷𐍂𐌰𐌼𐌹𐌸𐍃, 𐌾𐌰𐌷 𐌲𐌰𐌸𐌿𐌻𐌰𐌹𐌳𐌰, 𐌾𐌰𐌷 𐍅𐌰𐍃 𐌲𐌰𐌽𐌰𐍅𐌹𐍃𐍄𐍂𐍉𐌸𐍃, 𐌾𐌰𐌷 𐌸𐍂𐌹𐌳𐌾𐌹𐌽 𐌳𐌰𐌲𐌰 𐌿𐍂𐍂𐌰𐌹𐍃 𐌰𐍆𐌰𐍂 𐌱𐍉𐌺𐍉𐌼, 𐌾𐌰𐌷 𐌿𐍃𐍃𐍄𐌰𐌹𐌲 𐌹̈𐌽 𐌷𐌹𐌼𐌹𐌽, 𐌾𐌰𐌷 𐌲𐌰𐍃𐌹𐍄𐌹𐌸 𐌰𐍆 𐍄𐌰𐌹𐌷𐍃𐍅𐍉𐌽 𐌰𐍄𐍄𐌹𐌽𐍃, 𐌾𐌰𐌷 𐌰𐍆𐍄𐍂𐌰 𐌵𐌹𐌼𐌹𐌸 𐌼𐌹𐌸 𐍅𐌿𐌻𐌸𐌰𐌿 𐍃𐍄𐍉𐌾𐌰𐌽 𐌵𐌹𐍅𐌰𐌽𐍃 𐌾𐌰𐌷 𐌳𐌰𐌿𐌸𐌰𐌽𐍃, 𐌸𐌹𐌶𐌴𐌹 𐌸𐌹𐌿𐌳𐌹𐌽𐌰𐍃𐍃𐌿𐍃 𐌽𐌹 𐌰𐌽𐌳𐌹 𐌷𐌰𐌱𐌰𐌹𐌸;

𐌾𐌰𐌷 𐌳𐌿 𐌰𐌷𐌼𐌹𐌽 𐌸𐌰𐌼𐌼𐌰 𐍅𐌴𐌹𐌷𐌹𐌽, 𐌸𐌰𐌼𐌼𐌰 𐍆𐍂𐌰𐌿𐌾𐌹𐌽 𐌾𐌰𐌷 𐌲𐌹𐌱𐌰𐌽𐌳𐍃 𐌻𐌹𐌱𐌰𐌹𐌽𐌰𐌹𐍃, 𐍃𐌰𐌴𐌹 𐌿𐍃 𐌰𐍄𐍄𐌹𐌽 𐌿𐍃𐌲𐌰𐌲𐌲𐌹𐌸, 𐍃𐌰𐌴𐌹 𐌼𐌹𐌸 𐌰𐍄𐍄𐌹𐌽 𐌾𐌰𐌷 𐍃𐌿𐌽𐌰𐌿 𐌹̈𐌽𐍅𐌴𐌹𐍄𐌰𐌳𐌰 𐌾𐌰𐌷 𐌲𐌰𐍃𐍅𐌴𐍂𐌰𐌳𐌰, 𐍃𐌰𐌴𐌹 𐌵𐌰𐌸 𐌸𐌰𐌹𐍂𐌷 𐍀𐍂𐌰𐌿𐍆𐌴𐍄𐌿𐌽𐍃;

𐌳𐌿 𐌰𐌹𐌽𐌰𐌹 𐍅𐌴𐌹𐌷𐌰𐌹 𐌰𐌹𐌺𐌺𐌻𐌴𐍃𐌾𐍉𐌽 𐌺𐌰𐌸𐌰𐌿𐌻𐌴𐌹𐌲𐌰𐌹 𐌾𐌰𐌷 𐌰𐍀𐌰𐌿𐍃𐍄𐌰𐌿𐌻𐌴𐌹𐌲𐌰𐌹;

𐌰𐌽𐌳𐌷𐌰𐌹𐍄𐌰𐌼 𐌰𐌹𐌽𐌰𐌹 𐌳𐌰𐌿𐍀𐌴𐌹𐌽𐌰𐌹 𐌳𐌿 𐍆𐍂𐌰𐌻𐌴𐍄𐌰 𐍆𐍂𐌰𐍅𐌰𐌿𐍂𐌷𐍄𐌴;

𐌱𐌴𐌹𐌳𐌰𐌼 𐌿𐍃𐍃𐍄𐌰𐍃𐍃𐌰𐌹𐍃 𐌳𐌰𐌿𐌸𐌰𐌽𐌴, 𐌾𐌰𐌷 𐌻𐌹𐌱𐌰𐌹𐌽𐌰𐌹𐍃 𐌰𐌽𐌰𐍅𐌰𐌹𐍂𐌸𐌹𐌽𐍃 𐌰𐌹𐍅𐌹𐍃.

𐌰𐌼𐌴𐌽.

𐌲𐌰𐌻𐌰𐌿𐌱𐌴𐌹𐌽𐍃 𐌽𐌹𐌺𐌰𐌹𐌰𐍃-𐌺𐍉𐌽𐍃𐍄𐌰𐌽𐍄𐌴𐌹𐌽𐌿𐍀𐌰𐌿𐌻𐌴𐌹𐌽𐍃 / 𐌲𐌰𐌻𐌰𐌿𐌱𐌴𐌹𐌽𐍃 𐌽𐌹𐌺𐌰𐌹𐌰𐍃 𐌹̈𐌽 𐍂𐌰𐌶𐌳𐌰𐌹 𐌲𐌿𐍄𐌹𐍃𐌺𐌰𐌹, 𐍃𐌺𐌴𐌹𐍂𐌴𐌹𐌽𐍃 𐍆𐍂𐌰𐌼 𐌹̈𐍉𐍃𐍄𐌰𐌹𐌷𐌰 (·𐌱:𐌺𐌴·).

The Nicene Creed (Niceno-Constantinopolitan Creed) / Symbol of Faith in the Gothic language, a translation by 2sh (2025).