Sabba sa Guta Martyr

Dags gaminþjis: 12 Apreils (Aikklesjons wistros jah Aikklesjo Aurþaudaukseina Raumaniwiska), 15 Apreils (Aikklesjons slabiskos), 18 Apreils (Aikklesjons krekiskos)

Faurawaurdeis Aukridiskis

Was wrakja sleiþs wiþra Xristeinans hindar gutam. Reiks gutisks sums qam haim, þarei sa Sabba gudafaurhts bauaida, jah frah haimjans, Xristeins weseina. Andhofun ïna swarands ei ni ainshun weseina. Þan stoþ Sabba faur þana reik jah managein, qaþuh: “Ni ainshun swerai aiþ ïn meina. Ïk ïm Xristeins.” Sa reiks, saiƕands þana wainahan arm, laílot ïna gaggan ïn gawairþja, qiþands: “Sa mag nih ubilaba nih waila taujan.”

Afar jer biþe paska warþ, gudja, Sansala, qam ïn þizai haimai jah dulþida miþ Sabbin. Þai haiþnai finþandans anaks disdrusun bauain Sabbins jah ïnuh bleiþein anastodidedun mans Gudis du bautan, þan, biþe Sabba naqaþs þairh þaurnuns þunsans warþ, gabundun þans bans bagmam jah sokidedun ïns nauþjan mimz, þatei galiugagudam gasaliþ was, ïtan. Ïþ mans Gudis, gamunandans waurda apaustaule, ni taitokeina þans saudins gawammo unseljo. Sa reiks und andi gawargeiþ Sabbin dauþau jah atgibiþ ïna gadrauhtim. Sabba ïddja du stada waurstweins miþ swegniþai, hazjands Guþ. Bigitandans ïn ïmma mannan goþs, sokidedun þai gadrauhteis ïna ïn wiga galausjan ïþ þata gaþraih Sabbin mikilaba qaþuh þaim gadrauhtim ei eis skuldedeina anabusn þis reikis gataujan. Þan brāhtedun þai gadrauhteis ïna du aƕai, gabundun hallu bi halsa ïs jah waurpun ïna ïn watin.

Þanaseiþs Ionnius Soranus harjatuga kreks, ïn erai Valainis kaisaris, bigat nau Sabbins ana staþa gawaurpanana ïn wigana miþ gutam jah atnam þana du Kappadaukia.

Sabba Weihs gawann ïn 372, miþ 31 jere.

Sabba sa Guta ïn razdai gutiskai, skeireins fram Ïostaiha (2025).

Sabbas the Goth in the Gothic language, a translation by 2sh (2025).