𐍀𐍃𐌰𐌻𐌼𐍉 ·𐌽·

𐌰𐍂𐌼𐌰𐌹 𐌼𐌹𐌺, 𐌲𐌿𐌸, 𐌱𐌹 𐌼𐌹𐌺𐌹𐌻𐌰 𐌰𐍂𐌼𐌰𐌷𐌰𐌹𐍂𐍄𐌴𐌹𐌽 𐌸𐌴𐌹𐌽𐌰 𐌾𐌰𐌷 𐌱𐌹 𐌼𐌰𐌽𐌰𐌲𐌴𐌹𐌽 𐌱𐌻𐌴𐌹𐌸𐌴𐌹𐌽𐍉 𐌸𐌴𐌹𐌽𐌰𐌹𐌶𐍉 𐌰𐍆𐍃𐍅𐌰𐌹𐍂𐌱 𐌼𐌹𐍃𐍃𐌰𐌳𐌴𐌸 𐌼𐌴𐌹𐌽𐌰; 𐌳𐌿 𐍆𐌹𐌻𐌿𐍃𐌽𐌰𐌹 𐌿𐍃𐌸𐍅𐌰𐌷 𐌼𐌹𐌺 𐌰𐍆 𐌿𐌽𐌲𐌰𐍂𐌰𐌹𐌷𐍄𐌴𐌹𐌽 𐌼𐌴𐌹𐌽𐌰𐌹 𐌾𐌰𐌷 𐌰𐍆 𐍆𐍂𐌰𐍅𐌰𐌿𐍂𐌷𐍄𐌰𐌹 𐌼𐌴𐌹𐌽𐌰𐌹 𐌲𐌰𐌷𐍂𐌰𐌹𐌽𐌴𐌹 𐌼𐌹𐌺.
𐌿𐌽𐍄𐌴 𐌿𐌽𐌲𐌰𐍂𐌰𐌹𐌷𐍄𐌴𐌹𐌽 𐌼𐌴𐌹𐌽𐌰 𐌹𐌺 𐌺𐌰𐌽𐌽, 𐌾𐌰𐌷 𐍆𐍂𐌰𐍅𐌰𐌿𐍂𐌷𐍄𐍃 𐌼𐌴𐌹𐌽𐌰 𐌹𐌽 𐌰𐌽𐌳𐍅𐌰𐌹𐍂𐌸𐌾𐌰 𐌼𐌴𐌹𐌽𐌰𐌼𐌼𐌰 𐌹𐍃𐍄 𐍃𐌹𐌽𐍄𐌴𐌹𐌽𐍉.
𐌳𐌿 𐌸𐌿𐍃 𐌰𐌹𐌽𐌰𐌼𐌼𐌰 𐌹𐌺 𐍆𐍂𐌰𐍅𐌰𐌿𐍂𐌷𐍄𐌰 𐌾𐌰𐌷 𐌸𐌰𐌽𐌰 𐌿𐌱𐌹𐌻𐍉 𐌹𐌽 𐌰𐌽𐌳𐍅𐌰𐌹𐍂𐌸𐌾𐌰 𐌸𐌴𐌹𐌽𐌰𐌼𐌼𐌰 𐍄𐌰𐍅𐌹𐌳𐌰, 𐌴𐌹 𐌲𐌰𐍃𐌿𐌽𐌾𐍉𐌸𐍃 𐍃𐌹𐌾𐌰𐌹𐍃 𐌹𐌽 𐍅𐌰𐌿𐍂𐌳𐌰𐌼 𐌸𐌴𐌹𐌽𐌰𐌹𐌼, 𐌾𐌰𐌷 𐌷𐍂𐍉𐌸𐌴𐌹𐌲𐍃 𐌹𐌽 𐍃𐍄𐌰𐌿𐌰𐌹 𐌸𐌴𐌹𐌽𐌰𐌹.
𐍃𐌰𐌹 𐌰𐌻𐌻𐌹𐍃 𐌹𐌽 𐌿𐌽𐌲𐌰𐍂𐌰𐌹𐌷𐍄𐌴𐌹𐌼 𐍅𐌰𐍃 𐌹𐌺 𐌲𐌰𐌽𐌿𐌼𐌰𐌽𐍃, 𐌾𐌰𐌷 𐌹𐌽 𐍆𐍂𐌰𐍅𐌰𐌿𐍂𐌷𐍄𐌹𐌼 𐍅𐌰𐍃 𐌹𐌽𐌺𐌹𐌻𐌸𐌰 𐌼𐌹𐍃 𐌰𐌹𐌸𐌴𐌹 𐌼𐌴𐌹𐌽𐌰.
𐍃𐌰𐌹 𐌰𐌻𐌻𐌹𐍃 𐍃𐌿𐌽𐌾𐌰 𐍆𐍂𐌹𐌾𐍉𐍃, 𐌸𐌰𐍄𐌰 𐌿𐌽𐌱𐌰𐌹𐍂𐌷𐍄𐍉𐌽𐌰 𐌾𐌰𐌷 𐌸𐌰𐍄𐌰 𐍆𐌿𐌻𐌲𐌹𐌽𐍉𐌽𐌰 𐌷𐌰𐌽𐌳𐌿𐌲𐌴𐌹𐌽𐍃 𐌸𐌴𐌹𐌽𐌰𐌹𐌶𐍉𐍃 𐌲𐌰𐌱𐌰𐌹𐍂𐌷𐍄𐌹𐌳𐌴𐍃 𐌼𐌹𐍃.
𐌿𐍆𐌰𐍂𐍄𐍂𐌿𐍃𐌽𐌴𐌹𐍃 𐌼𐌹𐌺 𐌷𐍅𐍃𐍃𐍉𐍀𐍉𐌽, 𐌾𐌰𐌷 𐌲𐌰𐌷𐍂𐌰𐌹𐌽𐌾𐌰𐌳𐌰, 𐌿𐍃𐌸𐍅𐌰𐌷𐌹𐍃 𐌼𐌹𐌺, 𐌾𐌰𐌷 𐌿𐍆𐌰𐍂 𐍃𐌽𐌰𐌹𐍅𐌰 𐌲𐌰𐍈𐌴𐌹𐍄𐌾𐌰𐌳𐌰.
𐌲𐌰𐍄𐌰𐌿𐌾𐌹𐍃 𐌼𐌹𐌺 𐌷𐌰𐌿𐍃𐌾𐌰𐌽 𐍃𐍅𐌴𐌲𐌽𐌹𐌸𐌰 𐌾𐌰𐌷 𐍆𐌰𐌷𐌴𐌸, 𐍃𐍅𐌴𐌲𐌽𐌴𐌹𐌸 𐌱𐌰𐌹𐌽𐌰 𐌷𐌽𐌰𐌹𐍅𐌹𐌳𐍉.
𐌰𐍆𐍅𐌰𐌽𐌳𐌴𐌹 𐌻𐌿𐌳𐌾𐌰 𐌸𐌴𐌹𐌽𐌰 𐌰𐍆 𐍆𐍂𐌰𐍅𐌰𐌿𐍂𐌷𐍄𐌹𐌼 𐌼𐌴𐌹𐌽𐌰𐌹𐌼 𐌾𐌰𐌷 𐌰𐌻𐌻 𐌿𐌽𐌲𐌰𐍂𐌰𐌹𐌷𐍄𐌴𐌹𐌽𐍉 𐌼𐌴𐌹𐌽𐌰𐌹𐌶𐍉 𐌰𐍆𐍃𐍅𐌰𐌹𐍂𐌱.
𐌷𐌰𐌹𐍂𐍄𐍉 𐌷𐍂𐌰𐌹𐌽 𐌲𐌰𐍃𐌺𐌰𐍀𐌴𐌹 𐌹𐌽 𐌼𐌹𐍃, 𐌲𐌿𐌸, 𐌾𐌰𐌷 𐌰𐌷𐌼𐌰𐌽 𐌲𐌰𐍂𐌰𐌹𐌷𐍄𐌰𐌽𐌰 𐌹𐌽𐌽𐌹𐍅𐌴𐌹 𐌹𐌽 𐌹𐌽𐌽𐌿𐌼𐌹𐍃𐍄𐌹𐌽 𐌼𐌴𐌹𐌽𐌰𐌼𐌼𐌰.
𐌽𐌹 𐌰𐍆𐍅𐌰𐌹𐍂𐍀𐌰𐌹𐍃 𐌼𐌹𐌺 𐌰𐍆 𐌻𐌿𐌳𐌾𐌰𐌹 𐌸𐌴𐌹𐌽𐌰𐌹 𐌾𐌰𐌷 𐌰𐌷𐌼𐌰𐌽 𐌸𐌴𐌹𐌽𐌰𐌽𐌰 𐍅𐌴𐌹𐌷𐌰𐌽𐌰 𐌽𐌹 𐌰𐍆𐌽𐌹𐌼𐌰𐌹𐍃 𐌰𐍆 𐌼𐌹𐍃.
𐌿𐍃𐌲𐌹𐍆 𐌼𐌹𐍃 𐍃𐍅𐌴𐌲𐌽𐌹𐌸𐌰 𐌽𐌰𐍃𐌴𐌹𐌽𐌰𐌹𐍃 𐌸𐌴𐌹𐌽𐌰𐌹𐌶𐍉𐍃 𐌾𐌰𐌷 𐌰𐌷𐌼𐌹𐌽 𐌺𐌹𐌽𐌳𐌹𐌽𐍉𐌽𐌳𐌹𐌽 𐌲𐌰𐍄𐌿𐌻𐌲𐌴𐌹 𐌼𐌹𐌺.
𐍅𐌹𐍄𐍉𐌳𐌰𐌻𐌰𐌿𐍃𐌰𐌽𐍃 𐌻𐌰𐌹𐍃𐌾𐌰 𐍅𐌹𐌲𐌰𐌽𐍃 𐌸𐌴𐌹𐌽𐌰𐌽𐍃, 𐌾𐌰𐌷 𐌿𐌽𐍃𐌹𐌱𐌾𐌰𐌹 𐌳𐌿 𐌸𐌿𐍃 𐌲𐌰𐍅𐌰𐌽𐌳𐌾𐌰𐌽𐌳.
𐌻𐌰𐌿𐍃𐌴𐌹 𐌼𐌹𐌺 𐌿𐍃 𐌱𐌻𐍉𐌸𐌰𐌼, 𐌲𐌿𐌸, 𐌲𐌿𐌸 𐌲𐌰𐌽𐌹𐍃𐍄𐌰𐌹𐍃 𐌼𐌴𐌹𐌽𐌰𐌹𐌶𐍉𐍃; 𐌷𐌰𐌿𐌷𐌴𐌹𐌸 𐍄𐌿𐌲𐌲𐍉 𐌼𐌴𐌹𐌽𐌰 𐌲𐌰𐍂𐌰𐌹𐌷𐍄𐌴𐌹𐌽 𐌸𐌴𐌹𐌽𐌰.
𐍆𐍂𐌰𐌿𐌾𐌰, 𐍅𐌰𐌹𐍂𐌹𐌻𐍉𐌽𐍃 𐌼𐌴𐌹𐌽𐍉𐍃 𐌿𐍃𐌻𐌿𐌺𐌹𐍃, 𐌾𐌰𐌷 𐌼𐌿𐌽𐌸𐍃 𐌼𐌴𐌹𐌽𐍃 𐌲𐌰𐍄𐌴𐌹𐌷𐌹𐌸 𐌷𐌰𐌶𐌴𐌹𐌽 𐌸𐌴𐌹𐌽𐌰.
𐌿𐌽𐍄𐌴 𐌾𐌰𐌱𐌰𐌹 𐍅𐌹𐌻𐌳𐌴𐌳𐌴𐌹𐍃 𐌷𐌿𐌽𐍃𐌻, 𐌰𐌹𐌸𐌸𐌰𐌿 𐌲𐌴𐌱𐌾𐌰𐌿; 𐌰𐌻𐌰𐌱𐍂𐌿𐌽𐍃𐍄𐌴𐌹𐍃 𐌽𐌹 𐌲𐌰𐌻𐌴𐌹𐌺𐌰𐌽𐌳 𐌸𐌿𐍃.
𐌷𐌿𐌽𐍃𐌻 𐌳𐌿 𐌲𐌿𐌳𐌰 𐌹𐍃𐍄 𐌰𐌷𐌼𐌰 𐌲𐌰𐌱𐍂𐌿𐌺𐌰𐌽𐍃, 𐌷𐌰𐌹𐍂𐍄𐌹𐌽 𐌲𐌰𐌱𐍂𐌿𐌺𐌰𐌽𐌰𐌼𐌼𐌰 𐌾𐌰𐌷 𐌷𐌽𐌰𐌹𐍅𐌹𐌳𐌰𐌼𐌼𐌰 𐌲𐌿𐌸 𐌽𐌹 𐍆𐍂𐌰𐌺𐌰𐌽𐌽.
𐍄𐌰𐍅𐌴𐌹 𐌸𐌹𐌿𐌸, 𐍆𐍂𐌰𐌿𐌾𐌰, 𐌹𐌽 𐌻𐌴𐌹𐌺𐌰𐌹𐌽𐌰𐌹 𐌸𐌴𐌹𐌽𐌰𐌼𐌼𐌰 𐌳𐌿 𐍃𐌹𐍉𐌽, 𐌾𐌰𐌷 𐍄𐌹𐌼𐍂𐌾𐌰𐌹𐌽𐌳𐌰𐌿 𐌱𐌰𐌿𐍂𐌲𐍃𐍅𐌰𐌳𐌳𐌾𐌾𐌿𐍃 𐌹𐌰𐌹𐍂𐌿𐍃𐌰𐌻𐌴𐌼𐍃; 𐌸𐌰𐌽𐌿𐌷 𐍅𐌰𐌹𐌻𐌰 𐌲𐌰𐌻𐌴𐌹𐌺𐌰𐌽𐌳 𐌸𐌿𐍃 𐌷𐌿𐌽𐍃𐌻 𐌲𐌰𐍂𐌰𐌹𐌷𐍄𐌴𐌹𐌽𐍃, 𐍃𐌰𐌿𐌸𐍃 𐌾𐌰𐌷 𐌰𐌻𐌰𐌱𐍂𐌿𐌽𐍃𐍄𐌴𐌹𐍃; 𐌸𐌰𐌽𐌿𐌷 𐌲𐌰𐍃𐌰𐌻𐌾𐌰𐌽𐌳 𐌰𐌽𐌰 𐌷𐌿𐌽𐍃𐌻𐌰𐍃𐍄𐌰𐌸 𐌸𐌴𐌹𐌽𐌰𐌽𐌰 𐍃𐍄𐌹𐌿𐍂𐌰𐌽𐍃.

𐍀𐍃𐌰𐌻𐌼𐍉 ·𐌽· 𐌹𐌽 𐍂𐌰𐌶𐌳𐌰𐌹 𐌲𐌿𐍄𐌹𐍃𐌺𐌰𐌹, 𐍃𐌺𐌴𐌹𐍂𐌴𐌹𐌽𐍃 𐍆𐍂𐌰𐌼 𐌹𐍉𐍃𐍄𐌰𐌹𐌷𐌰 (·͵𐌱𐌺𐌵·).

LXX Psalm 50 (MT 51) in the Gothic language, a translation by 2sh (2026).