𐌸𐌰𐍄𐌰 𐍃𐍀𐌹𐌻𐌻 𐍀𐌰𐌹𐍄𐍂𐌰𐌿𐍃 𐌷𐌰𐍃𐌹𐌽𐍃

𐍃𐌹𐌼𐌻𐌴 𐍅𐌴𐍃𐌿𐌽 𐌷𐌰𐍃𐌰𐌽𐍃 𐌻𐌴𐌹𐍄𐌹𐌻𐌰𐌹 𐍆𐌹𐌳𐍅𐍉𐍂, 𐌾𐌰𐌷 𐍅𐌴𐍃𐌿𐌽 𐌷𐌰𐌹𐍄𐌰𐌽𐌰𐌹 — 𐍆𐌻𐌰𐌿𐍀𐍃𐌹, 𐌼𐌰𐌿𐍀𐍃𐌹, 𐌺𐌰𐌿𐍄𐍄𐌰𐌿𐌽-𐍄𐌰𐌹𐌴𐌹𐌻 𐌾𐌰𐌷 𐍀𐌰𐌹𐍄𐍂𐌿𐍃. 𐌱𐌰𐌿𐌰𐌹𐌳𐌴𐌳𐌿𐌽 𐌼𐌹𐌸 𐌰𐌹𐌸𐌴𐌹𐌽 𐌹𐌶𐌴 𐌹𐌽 𐌼𐌰𐌻𐌼𐌰𐌳𐍂𐌹𐌿𐍃𐍉𐌽 𐌿𐌽𐌳𐌰𐍂𐍉 𐍅𐌰𐌿𐍂𐍄𐌰𐌹 𐍆𐌰𐌿𐍂𐌷𐍉𐍃 𐌼𐌹𐌺𐌹𐌻𐌰𐌹𐌶𐍉𐍃 𐍆𐌹𐌻𐌿.

“𐌽𐌿, 𐌻𐌹𐌿𐌱𐌰𐌽𐍃 𐌼𐌴𐌹𐌽𐌰𐌹”, 𐌵𐌰𐌸 𐌷𐌰𐍃𐌰 𐍆𐍂𐌰𐌿𐌾𐍉 𐌹𐌽 𐌰𐌹𐌽𐌰𐌼𐌼𐌰 𐌼𐌰𐌿𐍂𐌲𐌹𐌽𐌰, “𐌿𐍃𐌻𐌰𐌿𐌱𐌾𐌰 𐌹𐌶𐍅𐌹𐍃 𐌹𐌽 𐌷𐌰𐌹𐌸𐌾𐍉𐍃 𐌰𐌹𐌸𐌸𐌰𐌿 𐌰𐌽𐌳 𐍅𐌹𐌲 𐌲𐌰𐌲𐌲𐌰𐌽, 𐌹𐌸 𐌽𐌹 𐌲𐌰𐌲𐌲𐌰𐌹𐌸 𐌹𐌽 𐌰𐌿𐍂𐍄𐌹𐌲𐌰𐍂𐌳 𐌼𐌰𐌺𐌲𐍂𐌰𐌹𐌲𐌰𐌿𐍂 𐍆𐍂𐌰𐌿𐌾𐌹𐌽𐍃. 𐌿𐌱𐌹𐌻 𐍅𐌰𐍂𐌸 𐌱𐌹 𐌰𐍄𐍄𐌰𐌽 𐌹𐌶𐍅𐌰𐍂 𐌾𐌰𐌹𐌽𐌰𐍂; 𐌹𐍃 𐍅𐌰𐍃 𐌹𐌽 𐌼𐌰𐍄 𐍆𐍂𐌰𐌼 𐌼𐌰𐌺𐌲𐍂𐌰𐌹𐌲𐌰𐌿𐍂 𐍆𐍂𐌰𐌿𐌾𐍉𐌽 𐌲𐌰𐌻𐌰𐌲𐌹𐌸𐍃.”

“𐌾𐌰𐌷 𐌽𐌿 𐌰𐍆𐌻𐌴𐌹𐌸𐌹𐌸, 𐌾𐌰𐌷 𐍄𐌰𐌿𐌾𐌰𐌹𐌸 𐌽𐌹 𐍅𐌰𐌹𐌷𐍄 𐌿𐌽𐍆𐍂𐍉𐌸. 𐌹𐌺 𐌿𐍃𐌲𐌰𐌲𐌲𐌰.” 𐌸𐌰𐌽 𐌽𐌰𐌼 𐌷𐌰𐍃𐌰 𐍆𐍂𐌰𐌿𐌾𐍉 𐍄𐌰𐌹𐌽𐌾𐍉𐌽 𐌾𐌰𐌷 𐍂𐌹𐌲𐌽𐍃𐌺𐌹𐌻𐌳𐌿 𐌹𐌶𐍉𐍃, 𐌾𐌰𐌷 𐌹𐌳𐌳𐌾𐌰 𐌸𐌰𐌹𐍂𐌷 𐍅𐌰𐌻𐌸𐌿 𐌳𐌿 𐌱𐌰𐌺𐌰𐍂𐌹. 𐌱𐌰𐌿𐌷𐍄𐌰 𐌰𐌹𐌽𐌰𐌽𐌰 𐌷𐌻𐌰𐌹𐍆 𐌾𐌰𐌷 𐍆𐌹𐌼𐍆 𐌱𐌰𐍃𐌹𐌱𐌰𐌺𐌴𐌹𐌽𐌹𐌽𐍃.

𐍆𐌻𐌰𐌿𐍀𐍃𐌹, 𐌼𐌰𐌿𐍀𐍃𐌹 𐌾𐌰𐌷 𐌺𐌰𐌿𐍄𐍄𐌰𐌿𐌽-𐍄𐌰𐌹𐌴𐌹𐌻, 𐌸𐌰𐌹𐌴𐌹 𐍅𐌴𐍃𐌿𐌽 𐌷𐌰𐍃𐌰𐌽𐍃 𐌻𐌴𐌹𐍄𐌹𐌻𐌰𐌹 𐌲𐍉𐌳𐌰𐌹, 𐌹𐌳𐌳𐌾𐌴𐌳𐌿𐌽 𐌰𐌽𐌳 𐍅𐌹𐌲 𐌱𐍂𐌴𐌼𐌹𐌱𐌰𐍃𐌾𐌰 𐌳𐌿 𐌻𐌹𐍃𐌰𐌽; 𐌹𐌸 𐍀𐌰𐌹𐍄𐍂𐌿𐍃, 𐍃𐌰𐌴𐌹 𐍅𐌰𐍃 𐌿𐍆𐌰𐍂𐌷𐌰𐌿𐍃𐌾𐌰𐌽𐌳𐍃 𐍆𐌹𐌻𐌿, 𐍂𐌰𐌽𐌽 𐍃𐌿𐌽𐍃 𐌳𐌿 𐌰𐌿𐍂𐍄𐌹𐌲𐌰𐍂𐌳 𐌼𐌰𐌺𐌲𐍂𐌰𐌹𐌲𐌰𐌿𐍂 𐍆𐍂𐌰𐌿𐌾𐌹𐌽𐍃, 𐌾𐌰𐌷 𐌸𐌰𐌹𐍂𐌷𐌹̈𐌳𐌳𐌾𐌰 𐌿𐍆 𐌳𐌰𐌿𐍂!

𐍆𐍂𐌿𐌼𐌹𐍃𐍄 𐌼𐌰𐍄𐌹𐌳𐌰 𐍃𐌿𐌼𐌰 𐌻𐌰𐌺𐍄𐌿𐌺𐍉𐍃 𐌾𐌰𐌷 𐍃𐌿𐌼𐌰 𐍆𐍂𐌰𐌽𐌺𐌹𐍃𐌺𐌰 𐌱𐌰𐌿𐌽𐍉𐍃; 𐌾𐌰𐌷 𐌸𐌰𐌽 𐌼𐌰𐍄𐌹𐌳𐌰 𐍃𐌿𐌼𐌰 𐍂𐌰𐌳𐌹𐌺𐍃𐌰; 𐌾𐌰𐌷 𐌸𐌰𐌽, 𐌷𐌰𐌱𐌰𐌽𐌳𐍃 𐌿𐌱𐌹𐌻, 𐌹𐌳𐌳𐌾𐌰 𐍃𐌿𐌼𐌰 𐌼𐌰𐍂𐌹𐌺 𐌳𐌿 𐍃𐍉𐌺𐌾𐌰𐌽.

𐌰𐌸𐌸𐌰𐌽 𐌱𐌹 𐌰𐌽𐌳𐌾𐌰 𐌷𐍂𐌰𐌼𐍉𐍃 𐌰𐌲𐌲𐌿𐍂𐌾𐍉𐌽𐍉, 𐌳𐌿 𐍈𐌰𐌼𐌼𐌰 𐌲𐌰𐍂𐌰𐌽𐌽? 𐌼𐌰𐌺𐌲𐍂𐌰𐌹𐌲𐌰𐌿𐍂 𐍆𐍂𐌰𐌿𐌾𐌰! 𐌼𐌰𐌺𐌲𐍂𐌰𐌹𐌲𐌰𐌿𐍂 𐍆𐍂𐌰𐌿𐌾𐌰 𐍅𐌰𐍃 𐌰𐌽𐌰 𐌷𐌰𐌽𐌳𐌿𐌼 𐌾𐌰𐌷 𐌺𐌽𐌹𐍅𐌰𐌼 𐍃𐌴𐌹𐌽𐌰𐌹𐌼 𐌿𐍃𐍃𐌰𐍄𐌾𐌰𐌽𐌳𐍃 𐌺𐌰𐌿𐌻𐌰 𐌾𐌿𐌲𐌲𐌰, 𐌹𐌸 𐌿𐍃𐌷𐌰𐌹𐌷𐌻𐌰𐌿𐍀 𐌾𐌰𐌷 𐍂𐌰𐌽𐌽 𐌰𐍆𐌰𐍂 𐍀𐌰𐌹𐍄𐍂𐌰𐌿, 𐍃𐍅𐌰𐌲𐌲𐍅𐌹𐌳𐌰 𐍂𐌰𐌺𐌰 𐌾𐌰𐌷 𐌷𐍂𐍉𐍀𐌹𐌳𐌰: “𐌲𐌰𐍃𐍄𐌰𐌽𐌳 𐌸𐌹𐌿𐍆!”

𐍀𐌰𐌹𐍄𐍂𐌿𐍃 𐍉𐌷𐍄𐌰 𐍃𐌹𐍃 𐌰𐌱𐍂𐌰𐌱𐌰; 𐍃𐌽𐌹𐌿𐌼𐌹𐌳𐌰 𐌰𐌽𐌳 𐌰𐌻𐌻𐌰𐌽𐌰 𐌰𐌿𐍂𐍄𐌹𐌲𐌰𐍂𐌳, 𐌿𐌽𐍄𐌴 𐌽𐌹 𐌲𐌰𐌼𐌿𐌽𐌰𐌽 𐍅𐌹𐌲 𐌰𐍄𐍅𐌰𐌽𐌳𐌾𐌰𐌽𐌳𐍃 𐌳𐌿 𐌳𐌰𐌿𐍂. 𐍆𐍂𐌰𐌻𐌰𐌿𐍃 𐌰𐌹𐌽𐌰𐌽𐌰 𐍃𐌺𐍉𐌷𐌴 𐌹𐌽 𐌺𐌰𐌿𐌻𐌰𐌼, 𐌾𐌰𐌷 𐌰𐌽𐌸𐌰𐍂𐌰𐌽𐌰 𐍃𐌺𐍉𐌷 𐌹𐌽 𐌰𐌹𐍂𐌸𐌰𐌰𐍀𐌻𐌰𐌼.

𐌰𐍆𐌰𐍂 𐌸𐌰𐍄𐌴𐌹 𐍆𐍂𐌰𐌻𐌰𐌿𐍃 𐌸𐌰𐌽𐍃, 𐍂𐌰𐌽𐌽 𐌰𐌽𐌰 𐌻𐌹𐌸𐌿𐍃 𐍆𐌹𐌳𐍅𐍉𐍂𐌹𐌼 𐌾𐌰𐌷 𐌹𐌳𐌳𐌾𐌰 𐍃𐌽𐌹𐌻𐌻𐌹𐌶𐌰, 𐍃𐍅𐌰𐌴𐌹 𐌹𐌺 𐍆𐍂𐌰𐌸𐌾𐌰 𐌲𐌰𐌸𐌻𐌰𐌿𐌷𐌹 𐌰𐌻𐌻𐌰𐌽𐌳𐌾𐍉, 𐍅𐌰𐌹𐌽𐌴𐌹 𐌿𐌽𐌰𐌿𐌳𐌰𐌲𐌰𐌱𐌰 𐌽𐌹 𐌲𐌰𐍂𐌿𐌽𐌽𐌹 𐌹𐌽 <[goose]>𐌱𐌰𐍃𐌹𐌽𐌰𐍄𐌹, 𐌾𐌰𐌷 𐍅𐌰𐍂𐌸 𐌸𐌰𐌹𐍂𐌷 𐌼𐌹𐌺𐌹𐌻𐌰 𐌷𐌰𐌿𐌱𐌹𐌳𐌹𐌻𐍉𐌽𐌰 𐌰𐌽𐌰 𐌾𐌰𐌺𐌺𐌾𐌰 𐍃𐌴𐌹𐌽𐌰𐌼𐌼𐌰 𐌲𐌰𐍆𐌰𐌷𐌰𐌽𐍃. 𐌸𐌰𐍄𐌰 𐍅𐌰𐍃 𐌾𐌰𐌺𐌺𐌹 𐌱𐌻𐌴𐍅 𐌼𐌹𐌸 𐌷𐌰𐌿𐌱𐌹𐌳𐌹𐌻𐌰𐌼 𐌰𐌹𐌶𐌴𐌹𐌽𐌰𐌹𐌼, 𐌽𐌹𐌿𐌾𐌹𐍃 𐍆𐌹𐌻𐌿.

𐍀𐌰𐌹𐍄𐍂𐌿𐍃 𐌸𐌰𐌷𐍄𐌰 𐍃𐌹𐍃 𐍃𐍅𐌴 𐍆𐍂𐌰𐌻𐌿𐍃𐌰𐌽𐍃, 𐌾𐌰𐌷 𐍆𐍂𐌰𐌻𐌰𐌹𐌻𐍉𐍄 𐍄𐌰𐌲𐍂 𐌼𐌹𐌺𐌹𐌻; 𐌹𐌸 𐌲𐍂𐌴𐍄𐍉𐍃 𐌹𐍃 𐍅𐌴𐍃𐌿𐌽 𐌲𐌰𐌿𐍂𐌹𐌳𐌰𐌹 𐍃𐌿𐌼𐌰𐌹𐌼 𐍃𐍀𐌰𐍂𐍅𐌰𐌼 𐌵𐌰𐌹𐍂𐍂𐌾𐌰𐌹𐌼 𐌸𐌰𐌹𐌴𐌹 𐌲𐌰𐌳𐍂𐍉𐌱𐌽𐌰𐌽𐌳𐌰𐌽𐍃 𐌼𐌹𐌺𐌹𐌻𐌰𐌱𐌰 𐍆𐌻𐌿𐌲𐌿𐌽 𐌳𐌿 𐌹𐌼𐌼𐌰, 𐌾𐌰𐌷 𐌱𐌴𐌳𐌿𐌽 𐌹𐌽𐌰 𐌳𐌿 𐌿𐍃𐌳𐌰𐌿𐌳𐌾𐌰𐌽.

𐌼𐌰𐌺𐌲𐍂𐌰𐌹𐌲𐌰𐌿𐍂 𐍆𐍂𐌰𐌿𐌾𐌰 𐌰𐌽𐌰𐌵𐌰𐌼 𐌼𐌹𐌸 𐌷𐍂𐌴𐌹𐌳𐍂𐍉𐌽, 𐌸𐍉𐌴𐌹 𐌳𐌿 𐌲𐌰𐌻𐌰𐌲𐌰𐌽 𐌰𐌽𐌰 𐍀𐌰𐌹𐍄𐍂𐌿; 𐌰𐌺𐌴𐌹 𐍀𐌰𐌹𐍄𐍂𐌿𐍃 𐌲𐌰𐌻𐌰𐌿𐍃𐌹𐌳𐌰 𐍃𐌹𐌺 𐍃𐍀𐍂𐌰𐌿𐍄𐍉, 𐌱𐌹𐌻𐌹𐌸𐌰𐌽𐍃 𐌾𐌰𐌺𐌺𐌾𐌰 𐍃𐌴𐌹𐌽 𐌷𐌹𐌽𐌳𐌰𐍂 𐍃𐌹𐍃.

𐌸𐌰𐍄𐌰 𐍃𐍀𐌹𐌻𐌻 𐍀𐌰𐌹𐍄𐍂𐌰𐌿𐍃 𐌷𐌰𐍃𐌹𐌽𐍃 𐍆𐍂𐌰𐌼 𐌱𐌴𐌹𐌰𐌹𐍄𐍂𐌹𐌺𐍃 𐍀𐌰𐌿𐍄𐍄𐌰𐌹𐍂 𐌹𐌽 𐍂𐌰𐌶𐌳𐌰𐌹 𐌲𐌿𐍄𐌹𐍃𐌺𐌰𐌹, 𐍃𐌺𐌴𐌹𐍂𐌴𐌹𐌽𐍃 𐍆𐍂𐌰𐌼 𐌹𐍉𐌷𐌰𐌽𐌽𐌴𐍃 𐌷𐌰𐌲𐌲𐍅𐌹𐌸𐍉𐍃 (·͵𐌱𐌺𐌴·-·͵𐌱𐌺𐌵·).

The Tale of Peter Rabbit by Beatrix Potter in the Gothic language, a translation by 2sh (2025-2026).