Niketa sa Guta Martyr
Dags gaminþjis: 15 Saiptaimbair
Niketa Weihs was guta gabaurans jah bauaida in fera austramma Donaweis in markai Raumanjos andwairþaizos. Gawandida du Xristeinein þairh Þaiaufeilu Aipiskaupu gutiskana, inliuhtjand uskunþa gutþiudos jah gamainjan in Gafáurdai Frumistai Nikaias in 325, saei jah daupida Niketan.
Inuh þizai mela was drauhtinassus in þaim gutam, unte haiþnos andstandandans usbraideinai Xristeineins, þishun Aþanareikis, saei fijaida Xristeinana, jah Friþigairnis saei afar gablauþiþ fram Aþanareika aftra gasloh imma miþ andstalda Valainis kaisaris arianiskis, gabaidjands Aþanareik du afleiþan fairra landa.
Afar sigis Friþigairnis, sa gutans Xristeinans nutun ƕeilos friþaus in þizai Wulfila Aipiskaupus arianisks, afarlaista Þaiaufeilaus Aipiskaupaus, gaskop alfabet gutiskana jah gaskeirida managos bokos ahmeinos fram krekrazdai in gutrazda. Niketa Weihs, þairh merein jah libain gaguda seina, naþ mikilaba faur tulgiþa galaubeinais Xristeinaizos in þaim gutam.
Aþþan, afar fau jera, Aþanareiks gawandida in land haimi sein miþ harja mikilamma jah wigan in þaim gutam anastodida aftra. Swe dails toje seinaize, raisida Aþanareiks wrakja sleidja wiþra þans Xristeinans. Niketa, saei faþs ahmeins warþ in þaim gutam Xristeinam, fairinoda Aþanareik unte afgudei jah unmanariggwei. Anahaihait þans galaubeinans du fastan jah ni ogan martyrdauþana. Suns Aþanareiks habaida Niketan gafāhanana.
Niketa was þan atgibans du balweinim unmanariggwaim. Und andi warþ gadrauhts Xristaus in fon atwaurpans þarei gadauþnoda in 372. Frijonds Niketins, Xristeins haitans Marianus, bigat laibos is in naht jah brāhta þos du Kilikia. Þanaseiþs, fauratanja jah lekinassjus warþ faura laibom Niketins Martyris Weihis. Dails laibo was seiþs brāhts du maunasterjon Visauki Detsani in Serbia.
Liuþ Niketan Weihamma
Sijai inkunja sunjeins saei in kunja seinamma
Timrjai du Guda Libandin altār sunjeinana.
Sa Guta Aþanareiks anamahtai reikinoda.
Du afgudam dauþaim hunsla gasalida;
Iþ Niketa Weihs was gadrauhts Xristaus
Jah merjands naseinais aiweinaizos.
Sa Liuhaþ Aiweino in naht strawida,
Anþar saiwalos riqizis afgudis hulida.
Niketa Weihs andstoþ þamma reik,
Stiwitja balþamma þiudai seinai sildaleik,
Þairhstagg þata riqis mahtai Krukis Gariudis,
jah fullida alla þo þiuda faurhteins Gudis.
Bloþ is was swe rauþ niujis maurginis
Iþ usstaig ahma is du gardim himinis;
In funin agisleikamma Niketa brann
Akei nauh und hina dag is ni usbrann.
Sunjai Xristaus gutans daupidai wesun.
Jah Niketan seinana wulþago hazidedun.
O Niketa Weiha, Haurnis Gudis Stibna,
Martyr balþa, inkunja sunjeina,
Us airþeinaim bauainim aflaist þū,
In þiudangardim miþ aggilum standis nu.
Bidei bi uns, unte Þiudans andhauseiþ þus,
Ei jah saiwalom unsaraim Guþ sijai hulþs.
Niketa sa Guta
in razdai gutiskai,
skeireins fram Iohannes Haggwiþos (2025-2026)
Us dailai mikilai Faurawaurdies Aukridiskis
Nikaulai Velimirauvits Weihis.
Nicetas the Goth
in the Gothic language,
a translation by 2sh (2025-2026).
In large part from the Ochrid Prologue
by Saint Nikolai Velimirović.