𐌻𐌹𐌿𐌸 𐍅𐌴𐌹𐌷𐌹𐌽 𐌽𐌹𐌺𐌴𐍄𐌹𐌽

𐍃𐌰 𐌱𐌹 𐍃𐌿𐌽𐌾𐌰𐌹 𐍃𐌹𐌾𐌰𐌹 𐌹𐌽 𐌺𐌿𐌽𐌾𐌰 𐍃𐌴𐌹𐌽𐌰𐌼𐌼𐌰
𐌹𐌽𐌺𐌿𐌽𐌾𐌰 𐍃𐌰𐌴𐌹 𐌳𐌿 𐌹̈𐌼𐌼𐌰 𐌰𐌻𐍄𐌰𐍂 𐍃𐌿𐌽𐌾𐌴𐌹𐌽 𐍄𐌹𐌼𐍂𐌾𐌰𐌹.

𐍅𐌰𐍃 𐌲𐌿𐍄𐌰 𐌲𐍂𐌹𐌼𐌼𐍃 𐍃𐌰𐌴𐌹 𐌲𐌰𐍆 𐌰𐍆𐌲𐌿𐌳𐌰𐌼,
𐌰𐌸𐌰𐌽𐌰𐍂𐌴𐌹𐌺𐍃 𐌰𐌹𐍂𐌶𐌴𐌹𐍃; 𐌰𐌽𐌰𐌼𐌰𐌷𐍄𐌰𐌹 𐍂𐌴𐌹𐌺𐌹𐌽𐍉𐌳𐌰,
𐍃𐌰𐍄𐌾𐌰𐌽𐌳𐍃 𐍃𐌰𐌹𐍅𐌰𐌻𐍉𐍃 𐌿𐍆 𐍃𐌺𐌰𐌳𐌰𐌿 𐌳𐌰𐌿𐌸𐌰𐌿𐍃.
𐌹𐌸 𐌳𐌰𐌿𐍂𐍃𐌰𐌽𐌳𐍃 𐌲𐌿𐍄𐌰 𐌲𐌰𐌳𐍂𐌰𐌿𐌷𐍄𐍃 𐍇𐍂𐌹𐍃𐍄𐌰𐌿𐍃,
𐌻𐌹𐌿𐌷𐌰𐌸 𐌻𐌹𐌱𐌰𐌹𐌽𐌰𐌹𐍃 𐍆𐍂𐌰𐌻𐌰𐌹𐌻𐍉𐍄 𐌹𐌽 𐌽𐌰𐌷𐍄,
𐌽𐌹𐌺𐌴𐍄𐌰 𐍃𐌰 𐌽𐌰𐌼𐌽𐌾𐌰𐌽𐌳𐍃 𐌽𐌰𐍃𐌴𐌹𐌽𐌰𐌹𐍃 𐌰𐌹𐍅𐌴𐌹𐌽𐌹𐌽𐍃.

𐍃𐌰 𐍅𐌴𐌹𐌷𐌰 𐌰𐌽𐌳𐍅𐌰𐌹𐌷 𐍅𐌹𐌸𐍂𐌰 𐌸𐌰𐌽𐌰 𐍂𐌴𐌹𐌺;
𐌼𐌹𐌸 𐌸𐌿𐌻𐌰𐌹𐌽𐌰𐌹 𐌱𐌰𐌻𐌸𐌰𐌹, 𐌹𐌽 𐌸𐌹𐌿𐌳𐌰𐌹 𐍃𐌹𐌻𐌳𐌰𐌻𐌴𐌹𐌺.
𐌸𐌰𐌽𐌰 𐍃𐌺𐌰𐌳𐌿 𐌸𐌰𐌹𐍂𐌷𐍃𐍄𐌰𐌲𐌲 𐍃𐍅𐌹𐌽𐌸𐌴𐌹𐌽 𐌺𐍂𐌿𐌺𐌹𐍃,
𐍆𐌿𐌻𐌻𐌾𐌰𐌽𐌳𐍃 𐍆𐌹𐍂𐍈𐌾𐌰 𐍆𐌰𐌿𐍂𐌷𐍄𐌴𐌹𐌽𐍃 𐌲𐌿𐌳𐌹𐍃.

𐍂𐌰𐌿𐌸 𐍃𐍅𐌴 𐌿𐌷𐍄𐍅𐍉 𐌽𐌹𐌿𐌾𐌰 𐍂𐌹𐌽𐌽𐌰𐌽𐌳𐍉 𐌱𐌻𐍉𐌸 𐌹𐍃 𐍅𐌰𐍃,
𐌹𐌸 𐌿𐍆𐌰𐍂 𐌳𐌿 𐌷𐌹𐌼𐌹𐌽𐌰𐌲𐌰𐍂𐌳𐌾𐌰𐌹 𐌰𐌷𐌼𐌰 𐌹𐍃 𐌿𐍃𐍃𐍄𐌰𐌹𐌲.
𐌹𐌽 𐍆𐍉𐌽𐌹𐌽 𐍆𐌹𐌾𐌰𐌸𐍅𐍉𐍃 𐍆𐌰𐍃𐍄𐌰𐌹𐌸𐍃 𐍅𐌰𐍃 𐌽𐌹𐌺𐌴𐍄𐌰;
𐌱𐌰𐌹𐍂𐌷𐍄𐌰𐌱𐌰 𐌱𐍂𐌰𐌽𐌽 𐌰𐌺𐌴𐌹 𐌽𐌰𐌿𐌷 𐌽𐌹 𐌿𐍃𐌱𐍂𐌰𐌽𐌽 𐌿𐌽𐌳 𐌷𐌹𐌽𐌰 𐌳𐌰𐌲.

𐌷𐌰𐌶𐌾𐌰𐌽𐌳𐌰𐌽𐍃 𐌷𐌰𐌿𐌷𐌰𐌱𐌰 𐌷𐌰𐌹𐍂𐍄𐌹𐌽 𐌽𐌹𐌺𐌴𐍄𐌰𐌽 𐍃𐌴𐌹𐌽𐌰𐌽𐌰,
𐌸𐌰𐌹 𐌲𐌿𐌳𐌰𐍆𐌰𐌿𐍂𐌷𐍄𐌰𐌽𐍃 𐌲𐌿𐍄𐌰𐌽𐍃 𐌹𐌽 𐌲𐌰𐌱𐌴𐌹𐌽 𐍇𐍂𐌹𐍃𐍄𐌰𐌿𐍃
𐌳𐌰𐌿𐍀𐌹𐌳𐌰𐌹 𐍅𐌴𐍃𐌿𐌽, 𐌳𐍂𐌰𐌿𐍃𐌾𐌰𐌽𐌳𐌰𐌽𐍃 𐌲𐌰𐌻𐌹𐌿𐌲.

𐍉 𐍅𐌴𐌹𐌷𐌰 𐌽𐌹𐌺𐌴𐍄𐌰, 𐍅𐌿𐌻𐌸𐌰𐌲𐌰 𐌼𐌰𐍂𐍄𐍅𐍂,
𐍃𐍄𐌹𐌱𐌽𐌰 𐌲𐌿𐌳𐌰𐌷𐌰𐌿𐍂𐌽𐌹𐍃, 𐍃𐌿𐌽𐌾𐌴𐌹𐌽𐌰 𐌹𐌽𐌺𐌿𐌽𐌾𐌰,
𐌱𐍂𐌰𐌷𐍄𐍃 𐍅𐌰𐍃𐍄 𐌸𐌿 𐌿𐍃 𐌱𐌰𐌿𐌰𐌹𐌽𐌹𐌼 𐌰𐌹𐍂𐌸𐌴𐌹𐌽𐌰𐌹𐌼;
𐍃𐍄𐌰𐌽𐌳𐌹𐍃 𐌽𐌿 𐌼𐌹𐌸 𐌰𐌲𐌲𐌹𐌻𐌿𐌼 𐍆𐌰𐌿𐍂𐌰 𐍃𐌹𐍄𐌻𐌰 𐌸𐌹𐌿𐌳𐌰𐌽𐌹𐍃.
𐌿𐌽𐍄𐌴 𐍃𐌰 𐌸𐌹𐌿𐌸𐌴𐌹𐌲𐌰 𐌸𐌹𐌿𐌳𐌰𐌽𐍃 𐌸𐌿𐍃 𐌰𐌽𐌳𐌷𐌰𐌿𐍃𐌴𐌹𐌸,
𐌱𐌹 𐌿𐌽𐍃 𐌱𐌹𐌳𐌴𐌹 𐌴𐌹 𐌾𐌰𐌷 𐌲𐌿𐌸 𐌱𐌻𐌴𐌹𐌸𐌾𐌰𐌹 𐍃𐌰𐌹𐍅𐌰𐌻𐍉𐍃 𐌿𐌽𐍃𐌰𐍂𐍉𐍃.

𐌻𐌹𐌿𐌸 𐍅𐌴𐌹𐌷𐌹𐌽 𐌽𐌹𐌺𐌴𐍄𐌹𐌽 𐌹𐌽 𐍂𐌰𐌶𐌳𐌰𐌹 𐌲𐌿𐍄𐌹𐍃𐌺𐌰𐌹, 𐍃𐌺𐌴𐌹𐍂𐌴𐌹𐌽𐍃 𐌹𐌽 𐍃𐍄𐌰𐌱𐍂𐌴𐌹𐌼 𐍆𐍂𐌰𐌼 𐌹𐍉𐌷𐌰𐌽𐌽𐌴𐍃 𐌷𐌰𐌲𐌲𐍅𐌹𐌸𐍉𐍃 (·͵𐌱𐌺𐌵·).
𐌿𐍃 𐌳𐌰𐌹𐌻𐌰𐌹 𐌼𐌹𐌺𐌹𐌻𐌰𐌹 𐍆𐌰𐌿𐍂𐌰𐍅𐌰𐌿𐍂𐌳𐌹𐌴𐍃 𐌰𐌿𐌺𐍂𐌹𐌳𐌹𐍃𐌺𐌹𐍃 𐍅𐌴𐌹𐌷𐌹𐌽𐍃 𐌽𐌹𐌺𐌰𐌿𐌻𐌰𐌹 𐌱𐌴𐌻𐌹𐌼𐌹𐍂𐌰𐌿𐌱𐌹𐍄𐍃.

Hymn to Saint Nicetas in the Gothic language, a translation into alliterative verse by 2sh (2026).
In large part from the Ochrid Prologue by Saint Nikolai Velimirović.