Dauksaulaugei Leitils

Wulþus in háuhistjam Guda, jah ana airþai gawairþi in mannam goþs wilja.

Hazjam Þuk, þiuþjam Þuk, inweitam Þuk, gasweram Þuk, awiliudom Þuk, faur wulþu Þeinana mikilana.

Frauja, Þiudan, Guþ ufarhiminakunda, Atta allwaldand;

Frauja Sunau ainabaur, Iesu Xristau, jah Ahma Weiha.

Frauja Guþ, Lamb Gudis, Sunus Attins,
Þū afnimand frawaurht manasedais, armai unsis,
Þū afnimand frawaurhtins manasedais.

Andnim bidos unsaros, Þūei sitaza af taihswon Attins, jah armai unsis. Unte Þū sa ains Weiha is, Þū sa ains Frauja is, Iesu Xristau, du wulþau Gudis Attins.

Amen.

Andanahtja ƕammeh þiuþja Þuk, jah hazja namo Þein in aiw, jah in aiw aiwis.

Frauja, warst unsis atþláuhistaþs us aldai in ald. Ik qaþ: Frauja, armai mik; hailei saiwala meina, unte ik wiþra Þuk frawaurhta.

Frauja, du Þus þláuh; laisei mik wiljan Þeinana taujan, unte Þū is guþ meins. Unte fram Þus ist brunna libainais; In liuhada Þein seƕum liuhaþ. Ufþanei armahairtein Þeina þaim kunnandam Þuk.

Fragif, Frauja, ei himma naht inuh frawaurht gafastaindau.

Þiuþiþs Þuk, Frauja, Guþ Attane unsaraize, jah haziþ jah gasweraiþ namo Þein in aiwins.

Amen.

Wairþai, Frauja, armahairtein Þeina ana uns, swaswe wenidedum du Þus.

Þiuþiþs Þuk, Frauja, laisei mik anabusnins Þeinos.

Þiuþiþs Þuk, Fraujinond, gatawei mik fraþjan anabusnins Þeinos.

Þiuþiþs Þuk, Weiha, inliuhtei mik miþ anabusnim Þeinaim.

Frauja, armahairtein Þeina in aiw; ni uswandjais af waurstwam handiwe Þeinaizo.

Þus ist gadob hazeins, Þus ist gadob liuþ, Þus ist gadob wulþus,
Attin, jah Sunau, jah Ahmin Weihamma,
nū jah aiw, jah in aiwins aiwe.

Amen.

Dauksaulaugei Leitils in razdai gutiskai, skeireins fram Iohannes Haggwiþos (2025-2026).

The Lesser Doxology in the Gothic language, a translation by 2sh (2025-2026).