𐌳𐌰𐌿𐌺𐍃𐌰𐌿𐌻𐌰𐌿𐌲𐌴𐌹 𐌻𐌴𐌹𐍄𐌹𐌻𐍃

𐍅𐌿𐌻𐌸𐌿𐍃 𐌹̈𐌽 𐌷𐌰𐌿𐌷𐌹𐍃𐍄𐌾𐌰𐌼 𐌲𐌿𐌳𐌰, 𐌾𐌰𐌷 𐌰𐌽𐌰 𐌰𐌹𐍂𐌸𐌰𐌹 𐌲𐌰𐍅𐌰𐌹𐍂𐌸𐌹 𐌹̈𐌽 𐌼𐌰𐌽𐌽𐌰𐌼 𐌲𐍉𐌳𐌹𐍃 𐍅𐌹𐌻𐌾𐌹𐌽𐍃.

𐌷𐌰𐌶𐌾𐌰𐌼 𐌸𐌿𐌺, 𐌸𐌹𐌿𐌸𐌾𐌰𐌼 𐌸𐌿𐌺, 𐌹̈𐌽𐍅𐌴𐌹𐍄𐌰𐌼 𐌸𐌿𐌺, 𐌲𐌰𐍃𐍅𐌴𐍂𐌰𐌼 𐌸𐌿𐌺, 𐌰𐍅𐌹𐌻𐌹𐌿𐌳𐍉𐌼 𐌸𐌿𐌺, 𐍆𐌰𐌿𐍂 𐌼𐌹𐌺𐌹𐌻𐌰𐌽𐌰 𐍅𐌿𐌻𐌸𐌿 𐌸𐌴𐌹𐌽𐌰𐌽𐌰.

𐍆𐍂𐌰𐌿𐌾𐌰, 𐌸𐌹𐌿𐌳𐌰𐌽, 𐌲𐌿𐌸 𐌷𐌹𐌼𐌹𐌽𐌰𐌺𐌿𐌽𐌳𐌰, 𐌰𐍄𐍄𐌰 𐌰𐌻𐌻𐍅𐌰𐌻𐌳𐌰𐌽𐌳;

𐍆𐍂𐌰𐌿𐌾𐌰 𐍃𐌿𐌽𐌰𐌿 𐌰𐌹𐌽𐌰𐌱𐌰𐌿𐍂, 𐌹̈𐌴𐍃𐌿 𐍇𐍂𐌹𐍃𐍄𐌰𐌿, 𐌾𐌰𐌷 𐌰𐌷𐌼𐌰 𐍅𐌴𐌹𐌷𐌰.

𐍆𐍂𐌰𐌿𐌾𐌰 𐌲𐌿𐌸, 𐌻𐌰𐌼𐌱 𐌲𐌿𐌳𐌹𐍃, 𐍃𐌿𐌽𐌿𐍃 𐌰𐍄𐍄𐌹𐌽𐍃,
𐌸𐌿 𐌰𐍆𐌽𐌹𐌼𐌰𐌽𐌳 𐍆𐍂𐌰𐍅𐌰𐌿𐍂𐌷𐍄 𐌼𐌰𐌽𐌰𐍃𐌴𐌳𐌰𐌹𐍃, 𐌰𐍂𐌼𐌰𐌹 𐌿𐌽𐍃𐌹𐍃,
𐌸𐌿 𐌰𐍆𐌽𐌹𐌼𐌰𐌽𐌳 𐍆𐍂𐌰𐍅𐌰𐌿𐍂𐌷𐍄𐌹𐌽𐍃 𐌼𐌰𐌽𐌰𐍃𐌴𐌳𐌰𐌹𐍃.

𐌰𐌽𐌳𐌽𐌹𐌼 𐌱𐌹𐌳𐍉𐍃 𐌿𐌽𐍃𐌰𐍂𐍉𐍃, 𐌸𐌿𐌴𐌹 𐍃𐌹𐍄𐌰𐌶𐌰 𐌰𐍆 𐍄𐌰𐌹𐌷𐍃𐍅𐍉𐌽 𐌰𐍄𐍄𐌹𐌽𐍃, 𐌾𐌰𐌷 𐌰𐍂𐌼𐌰𐌹 𐌿𐌽𐍃𐌹𐍃. 𐌿𐌽𐍄𐌴 𐌸𐌿 𐍃𐌰 𐌰𐌹𐌽𐍃 𐍅𐌴𐌹𐌷𐌰 𐌹̈𐍃, 𐌸𐌿 𐍃𐌰 𐌰𐌹𐌽𐍃 𐍆𐍂𐌰𐌿𐌾𐌰 𐌹̈𐍃, 𐌹̈𐌴𐍃𐌿 𐍇𐍂𐌹𐍃𐍄𐌰𐌿, 𐌳𐌿 𐍅𐌿𐌻𐌸𐌰𐌿 𐌲𐌿𐌳𐌹𐍃 𐌰𐍄𐍄𐌹𐌽𐍃.

𐌰𐌼𐌴𐌽.

𐌰𐌽𐌳𐌰𐌽𐌰𐌷𐍄𐌾𐌰 𐍈𐌰𐌼𐌼𐌴𐌷 𐌸𐌹𐌿𐌸𐌾𐌰 𐌸𐌿𐌺, 𐌾𐌰𐌷 𐌷𐌰𐌶𐌾𐌰 𐌽𐌰𐌼𐍉 𐌸𐌴𐌹𐌽 𐌹̈𐌽 𐌰𐌹𐍅, 𐌾𐌰𐌷 𐌹̈𐌽 𐌰𐌹𐍅 𐌰𐌹𐍅𐌹𐍃.

𐍆𐍂𐌰𐌿𐌾𐌰, 𐍅𐌰𐍂𐍃𐍄 𐌿𐌽𐍃𐌹𐍃 𐍃𐍄𐌰𐌸𐍃 𐌸𐌰𐌳𐌴𐌹 𐌼𐌰𐌲𐌿𐌼 𐌸𐌻𐌰𐌿𐌷𐌰𐌽 𐌿𐍃 𐌰𐌻𐌳𐌰𐌹 𐌹̈𐌽 𐌰𐌻𐌳. 𐌹̈𐌺 𐌵𐌰𐌸: 𐍆𐍂𐌰𐌿𐌾𐌰, 𐌰𐍂𐌼𐌰𐌹 𐌼𐌹𐌺; 𐌷𐌰𐌹𐌻𐌴𐌹 𐍃𐌰𐌹𐍅𐌰𐌻𐌰 𐌼𐌴𐌹𐌽𐌰, 𐌿𐌽𐍄𐌴 𐌹̈𐌺 𐍅𐌹𐌸𐍂𐌰 𐌸𐌿𐌺 𐍆𐍂𐌰𐍅𐌰𐌿𐍂𐌷𐍄𐌰.

𐍆𐍂𐌰𐌿𐌾𐌰, 𐌳𐌿 𐌸𐌿𐍃 𐌸𐌻𐌰𐌿𐌷; 𐌻𐌰𐌹𐍃𐌴𐌹 𐌼𐌹𐌺 𐍅𐌹𐌻𐌾𐌰𐌽 𐌸𐌴𐌹𐌽𐌰𐌽𐌰 𐍄𐌰𐌿𐌾𐌰𐌽, 𐌿𐌽𐍄𐌴 𐌸𐌿 𐌹̈𐍃 𐌲𐌿𐌸 𐌼𐌴𐌹𐌽𐍃. 𐌿𐌽𐍄𐌴 𐍆𐍂𐌰𐌼 𐌸𐌿𐍃 𐌹̈𐍃𐍄 𐌱𐍂𐌿𐌽𐌽𐌰 𐌻𐌹𐌱𐌰𐌹𐌽𐌰𐌹𐍃; 𐌹̈𐌽 𐌻𐌹𐌿𐌷𐌰𐌳𐌰 𐌸𐌴𐌹𐌽 𐍃𐌴𐍈𐌿𐌼 𐌻𐌹𐌿𐌷𐌰𐌸. 𐌿𐍆𐌸𐌰𐌽𐌴𐌹 𐌰𐍂𐌼𐌰𐌷𐌰𐌹𐍂𐍄𐌴𐌹𐌽 𐌸𐌴𐌹𐌽𐌰 𐌸𐌰𐌹𐌼 𐌺𐌿𐌽𐌽𐌰𐌽𐌳𐌰𐌼 𐌸𐌿𐌺.

𐍆𐍂𐌰𐌲𐌹𐍆, 𐍆𐍂𐌰𐌿𐌾𐌰, 𐌴𐌹 𐌷𐌹𐌼𐌼𐌰 𐌽𐌰𐌷𐍄 𐌹̈𐌽𐌿𐌷 𐍆𐍂𐌰𐍅𐌰𐌿𐍂𐌷𐍄 𐌲𐌰𐍆𐌰𐍃𐍄𐌰𐌹𐌽𐌳𐌰𐌿.

𐌸𐌹𐌿𐌸𐌹𐌸𐍃 𐌸𐌿𐌺, 𐍆𐍂𐌰𐌿𐌾𐌰, 𐌲𐌿𐌸 𐌰𐍄𐍄𐌰𐌽𐌴 𐌿𐌽𐍃𐌰𐍂𐌰𐌹𐌶𐌴, 𐌾𐌰𐌷 𐌷𐌰𐌶𐌹𐌸 𐌾𐌰𐌷 𐌲𐌰𐍃𐍅𐌴𐍂𐌰𐌹𐌸 𐌽𐌰𐌼𐍉 𐌸𐌴𐌹𐌽 𐌹̈𐌽 𐌰𐌹𐍅𐌹𐌽𐍃.

𐌰𐌼𐌴𐌽.

𐍅𐌰𐌹𐍂𐌸𐌰𐌹, 𐍆𐍂𐌰𐌿𐌾𐌰, 𐌰𐍂𐌼𐌰𐌷𐌰𐌹𐍂𐍄𐌴𐌹𐌽 𐌸𐌴𐌹𐌽𐌰 𐌰𐌽𐌰 𐌿𐌽𐍃, 𐍃𐍅𐌰𐍃𐍅𐌴 𐍅𐌴𐌽𐌹𐌳𐌴𐌳𐌿𐌼 𐌳𐌿 𐌸𐌿𐍃.

𐌸𐌹𐌿𐌸𐌹𐌸𐍃 𐌸𐌿𐌺, 𐍆𐍂𐌰𐌿𐌾𐌰, 𐌻𐌰𐌹𐍃𐌴𐌹 𐌼𐌹𐌺 𐌰𐌽𐌰𐌱𐌿𐍃𐌽𐌹𐌽𐍃 𐌸𐌴𐌹𐌽𐍉𐍃.

𐌸𐌹𐌿𐌸𐌹𐌸𐍃 𐌸𐌿𐌺, 𐍆𐍂𐌰𐌿𐌾𐌹𐌽𐍉𐌽𐌳, 𐌲𐌰𐍄𐌰𐍅𐌴𐌹 𐌼𐌹𐌺 𐍆𐍂𐌰𐌸𐌾𐌰𐌽 𐌰𐌽𐌰𐌱𐌿𐍃𐌽𐌹𐌽𐍃 𐌸𐌴𐌹𐌽𐍉𐍃.

𐌸𐌹𐌿𐌸𐌹𐌸𐍃 𐌸𐌿𐌺, 𐍅𐌴𐌹𐌷𐌰, 𐌹̈𐌽𐌻𐌹𐌿𐌷𐍄𐌴𐌹 𐌼𐌹𐌺 𐌼𐌹𐌸 𐌰𐌽𐌰𐌱𐌿𐍃𐌽𐌹𐌼 𐌸𐌴𐌹𐌽𐌰𐌹𐌼.

𐍆𐍂𐌰𐌿𐌾𐌰, 𐌰𐍂𐌼𐌰𐌷𐌰𐌹𐍂𐍄𐌴𐌹𐌽 𐌸𐌴𐌹𐌽𐌰 𐌹̈𐌽 𐌰𐌹𐍅; 𐌽𐌹 𐌿𐍃𐍅𐌰𐌽𐌳𐌾𐌰𐌹𐍃 𐌰𐍆 𐍅𐌰𐌿𐍂𐍃𐍄𐍅𐌰𐌼 𐌷𐌰𐌽𐌳𐌹𐍅𐌴 𐌸𐌴𐌹𐌽𐌰𐌹𐌶𐍉.

𐌸𐌿𐍃 𐌹̈𐍃𐍄 𐌲𐌰𐌳𐍉𐌱 𐌷𐌰𐌶𐌴𐌹𐌽𐍃, 𐌸𐌿𐍃 𐌹̈𐍃𐍄 𐌲𐌰𐌳𐍉𐌱 𐌻𐌹𐌿𐌸, 𐌸𐌿𐍃 𐌹̈𐍃𐍄 𐌲𐌰𐌳𐍉𐌱 𐍅𐌿𐌻𐌸𐌿𐍃,
𐌰𐍄𐍄𐌹𐌽, 𐌾𐌰𐌷 𐍃𐌿𐌽𐌰𐌿, 𐌾𐌰𐌷 𐌰𐌷𐌼𐌹𐌽 𐍅𐌴𐌹𐌷𐌰𐌼𐌼𐌰,
𐌾𐌰𐌷 𐌽𐌿 𐌾𐌰𐌷 𐌰𐌹𐍅, 𐌾𐌰𐌷 𐌹̈𐌽 𐌰𐌹𐍅𐌹𐌽𐍃 𐌰𐌹𐍅𐌴.

𐌰𐌼𐌴𐌽.

𐌳𐌰𐌿𐌺𐍃𐌰𐌿𐌻𐌰𐌿𐌲𐌴𐌹 𐌻𐌴𐌹𐍄𐌹𐌻𐍃 𐌹̈𐌽 𐍂𐌰𐌶𐌳𐌰𐌹 𐌲𐌿𐍄𐌹𐍃𐌺𐌰𐌹, 𐍃𐌺𐌴𐌹𐍂𐌴𐌹𐌽𐍃 𐍆𐍂𐌰𐌼 𐌹̈𐍉𐍃𐍄𐌰𐌹𐌷𐌰 (·𐌱:𐌺𐌴·).

The Lesser Doxology in the Gothic language, a translation by 2sh (2025).