Bida Manassezis
Frauja allwaldand, Guþ Attane unsaraize, Abrahamis jah Isakis jah Iakobis jah fraiwis ize garaihtis; saei gaskop himin jah airþa miþ alla gafeteinai ize; saei gaband marein waurda anabusnais Þeinaizos; saei galauk afgrundiþa jah faursiglida ija agisleikamma jah wulþagamma namin Þeinamma; in þize all wagjada jah reiraiþ fram andwairþja mahtais Þeinaizos; unte unþulaiþs ist mikilei wulþaus Þeinis, jah unandstaþans ist þwairhei ana frawaurhtans ƕotos Þeinaizos, jah unmitans jah unusspilloþs ist armahairtei gahaite Þeinaize.
Þū auk is Frauja háuhista, armahairts, usbeisneigs jah bleiþs jah sutis ana unseleins manne. Þū, Frauja, bi managein seleins Þeinaizos, gahaihaist idreiga jah fralet þaiei frawaurhtedun du Þus, jah managein bleiþeino Þeinaizo gasatides frawaurhtaim du ganistai.
Þū nū, Frauja, Guþ mahte, ni gasatides idreiga garaihtaim, Abrahama jah Isaka jah Iakoba, þaiei ni frawaurhtedun du Þus, ak gasatides idreiga ana mis frawaurhtamma, unte frawaurhta mais raþjon malmins mareins. Managidedun witodalauseins meinos, Frauja, managidedun witodalauseins meinos, jah ni im wairþs fairweitjan jah saiƕan háuhein himinis in manageins inwindiþo meinaizo, gabiugands managaim naudibandjom eisarneinaim, du ni ufhaban haubiþ mein, jah nist mis gaƕeilains; unte ingramida moþ Þeinana jah ubil in andwairþja Þeinamma tawida, ni taujands wiljan Þeinana jah ni fastānds anabūsnins Þeinos. Jah nū hneiwa kniu hairtins, bidjands fram Þus seleins.
Frawaurhta, Frauja, frawaurhta jah witodalauseim meinaim ik miþwait; akei aihtro bidjands; fralet mis, Frauja, fralet mis, jah ni fraqistjais mis witodalauseim meinaim, nih in ajukduþ hatizonds fastais ubila ana mis, nih afdomjais mik in undaristo airþos, unte Þū is Guþ, Guþ idreigondane, jah in mis ataugeis alla selein Þeina; unte unwairþs wisands nasjis mik bi mikila armahairtein Þeina, jah hazja Þuk sinteino in dagam libainais meinaizos. Unte Þuk hazjiþ alla mahts himinis jah Þeina ist wulþus in aiwins aiwe. Amen.
Bida Manassezis in razdai gutiskai, skeireins fram Iohannes Haggwiþos (2026).
Prayer of Manasseh in the Gothic language, a translation by 2sh (2026).