Anastodeins Biuhteiga

Gudja : Þiuþida Guþ unsarana sinteino,
nū jah aiw, jah in aiwins aiwe.

Ussiggwands : Þairh bidos attane unsaraize weihaize, Frauja Iesu Xristau, Guþ unsar, armai unsis.

In namin Attins, jah Sunaus, jah Ahmins Weihis.

Ussiggwands : Amen.
Wulþus Þus, Guþ unsar, wulþus Þus.

Þiudan Himinakunda, Gaþlaihands, Ahma Sunjos,
And All Andwairþs jah Alla Usfulljands,
Huzd Þiuþe jah Andstaldands Libainais:
Qim jah gabau in unsis,
jah gahrainei uns af allamma wamma,
jah nasei, Þiuþeiga, saiwalos unsaros.

Weihs Guþ, Weihs Swinþs, Weihs Undiwans, armai unsis.
(þrim sinþam)

Wulþus Attin, jah Sunau, jah Ahmin Weihamma.
Jah nū jah aiw, jah in aiwins aiwe.
Amen.

Allweiho Þrifalþei, armai unsis.
Frauja, hulþs sijais frawaurhtim unsaraim.
Fraujinond, fragif witodalauseins unsaros.
Weiha, gaweiso jah hailei sauhtins unsaros,
in namins Þeinis.

Frauja, armai. (þrim sinþam)

Wulþus Attin, jah Sunau, jah Ahmin Weihamma.
Jah nū jah aiw, jah in aiwins aiwe.
Amen.

Atta unsar Þū in himinam, weihnai namo Þein.
Qimai þiudinassus Þeins.
Wairþai wilja Þeins, swe in himina jah ana airþai.
Hlaif unsarana þana sinteinan gif uns himma daga.
Jah aflet uns þatei skulans sijaima,
swaswe jah weis afletam þaim skulam unsaraim.
Jah ni briggais uns in fraistubnjai,
ak lausei uns af þamma ubilin.

Gudja : Unte Þeina ist þiudangardi jah mahts jah wulþus
Attins, jah Sunaus, jah Ahmins Weihis,
nū jah aiw, jah in aiwins aiwe.

Ussiggwands : Amen.

Frauja, armai. (twalibim sinþam)

Wulþus Attin, jah Sunau, jah Ahmin Weihamma.
Jah nū jah aiw, jah in aiwins aiwe.
Amen.

Hiri, inweitaima jah driusaima
du Þiudana unsaramma Guda.
Hiri, inweitaima jah driusaima
du Xristau Þiudana unsaramma Guda.
Hiri, inweitaima jah driusaima
du Ïmma Xristau Þiudana jah Guda unsaramma.