𐌰𐌽𐌰𐍃𐍄𐍉𐌳𐌴𐌹𐌽𐍃 𐌱𐌹𐌿𐌷𐍄𐌴𐌹𐌲𐌰

𐌲𐌿𐌳𐌾𐌰 : 𐌸𐌹𐌿𐌸𐌹𐌳𐌰 𐌲𐌿𐌸 𐌿𐌽𐍃𐌰𐍂𐌰𐌽𐌰 𐍃𐌹𐌽𐍄𐌴𐌹𐌽𐍉.
𐌾𐌰𐌷 𐌽𐌿 𐌾𐌰𐌷 𐌰𐌹𐍅, 𐌾𐌰𐌷 𐌹̈𐌽 𐌰𐌹𐍅𐌹𐌽𐍃 𐌰𐌹𐍅𐌴.

𐌹𐌸 𐌾𐌰𐌱𐌰𐌹 𐌲𐌿𐌳𐌾𐌰 𐌽𐌹 𐌰𐍄𐌹𐍃𐍄:

𐌿𐍃𐍃𐌹𐌲𐌲𐍅𐌰𐌽𐌳𐍃 : 𐌸𐌰𐌹𐍂𐌷 𐌱𐌹𐌳𐍉𐍃 𐌰𐍄𐍄𐌰𐌽𐌴 𐍅𐌴𐌹𐌷𐌰𐌹𐌶𐌴 𐌿𐌽𐍃𐌰𐍂𐌰𐌹𐌶𐌴, 𐍆𐍂𐌰𐌿𐌾𐌰 𐌹𐌴𐍃𐌿 𐍇𐍂𐌹𐍃𐍄𐌰𐌿, 𐌲𐌿𐌸 𐌿𐌽𐍃𐌰𐍂, 𐌰𐍂𐌼𐌰𐌹 𐌿𐌽𐍃𐌹𐍃.

𐌰𐌹𐌸𐌸𐌰𐌿:

𐌹̈𐌽 𐌽𐌰𐌼𐌹𐌽 𐌰𐍄𐍄𐌹𐌽𐍃, 𐌾𐌰𐌷 𐍃𐌿𐌽𐌰𐌿𐍃, 𐌾𐌰𐌷 𐌰𐌷𐌼𐌹𐌽𐍃 𐍅𐌴𐌹𐌷𐌹𐍃.

𐌿𐍃𐍃𐌹𐌲𐌲𐍅𐌰𐌽𐌳𐍃 : 𐌰𐌼𐌴𐌽.
𐍅𐌿𐌻𐌸𐌿𐍃 𐌸𐌿𐍃, 𐌲𐌿𐌸 𐌿𐌽𐍃𐌰𐍂, 𐍅𐌿𐌻𐌸𐌿𐍃 𐌸𐌿𐍃.

𐌸𐌹𐌿𐌳𐌰𐌽 𐌷𐌹𐌼𐌹𐌽𐌰𐌺𐌿𐌽𐌳𐌰, 𐌲𐌰𐌸𐌻𐌰𐌹𐌷𐌰𐌽𐌳𐍃, 𐌰𐌷𐌼𐌰 𐍃𐌿𐌽𐌾𐍉𐍃,
𐌰𐌽𐌳 𐌰𐌻𐌻 𐌰𐌽𐌳𐍅𐌰𐌹𐍂𐌸𐌰 𐌾𐌰𐌷 𐌰𐌻𐌻𐌰 𐌿𐍃𐍆𐌿𐌻𐌻𐌾𐌰𐌽𐌳𐍃,
𐌷𐌿𐌶𐌳 𐌸𐌹𐌿𐌸𐌴 𐌾𐌰𐌷 𐌲𐌹𐌱𐌰𐌽𐌳𐍃 𐌻𐌹𐌱𐌰𐌹𐌽𐌰𐌹𐍃:
𐌵𐌹𐌼 𐌾𐌰𐌷 𐌲𐌰𐌱𐌰𐌿 𐌹̈𐌽 𐌿𐌽𐍃𐌹𐍃,
𐌾𐌰𐌷 𐌲𐌰𐌷𐍂𐌰𐌹𐌽𐌴𐌹 𐌿𐌽𐍃 𐌰𐍆 𐌰𐌻𐌻𐌰𐌼𐌼𐌰 𐍅𐌰𐌼𐌼𐌰,
𐌾𐌰𐌷 𐌽𐌰𐍃𐌴𐌹, 𐌸𐌹𐌿𐌸𐌴𐌹𐌲𐌰, 𐍃𐌰𐌹𐍅𐌰𐌻𐍉𐍃 𐌿𐌽𐍃𐌰𐍂𐌰.

𐌱𐌹𐌳𐍉𐍃 𐍄𐍂𐌹𐍃𐌰𐌲𐌹𐌰𐌿𐌽

𐍅𐌴𐌹𐌷𐍃 𐌲𐌿𐌸, 𐍅𐌴𐌹𐌷𐍃 𐌼𐌰𐌷𐍄𐌴𐌹𐌲𐍃, 𐍅𐌴𐌹𐌷𐍃 𐌿𐌽𐌳𐌹𐍅𐌰𐌽𐍃, 𐌰𐍂𐌼𐌰𐌹 𐌿𐌽𐍃𐌹𐍃.
(𐌸𐍂𐌹𐌼 𐍃𐌹𐌽𐌸𐌰𐌼)

𐍅𐌿𐌻𐌸𐌿𐍃 𐌰𐍄𐍄𐌹𐌽, 𐌾𐌰𐌷 𐍃𐌿𐌽𐌰𐌿, 𐌾𐌰𐌷 𐌰𐌷𐌼𐌹𐌽 𐍅𐌴𐌹𐌷𐌰𐌼𐌼𐌰
𐌾𐌰𐌷 𐌽𐌿 𐌾𐌰𐌷 𐌰𐌹𐍅, 𐌾𐌰𐌷 𐌹̈𐌽 𐌰𐌹𐍅𐌹𐌽𐍃 𐌰𐌹𐍅𐌴.
𐌰𐌼𐌴𐌽.

𐌰𐌻𐌻𐍅𐌴𐌹𐌷𐌰 𐌸𐍂𐌹𐍆𐌰𐌻𐌸𐌴𐌹, 𐌰𐍂𐌼𐌰𐌹 𐌿𐌽𐍃𐌹𐍃.
𐍆𐍂𐌰𐌿𐌾𐌰, 𐌷𐌿𐌻𐌸𐍃 𐍃𐌹𐌾𐌰𐌹𐍃 𐍆𐍂𐌰𐍅𐌰𐌿𐍂𐌷𐍄𐌹𐌼 𐌿𐌽𐍃𐌰𐍂𐌰𐌹𐌼.
𐍆𐍂𐌰𐌿𐌾𐌹𐌽𐍉𐌽𐌳, 𐍆𐍂𐌰𐌲𐌹𐍆 𐌿𐌽𐍃𐌹𐌱𐌾𐍉𐌽𐌰 𐌿𐌽𐍃𐌰𐍂𐌰.
𐍅𐌴𐌹𐌷𐌰, 𐌲𐌰𐍅𐌴𐌹𐍃𐍉 𐌾𐌰𐌷 𐌷𐌰𐌹𐌻𐌴𐌹 𐍃𐌰𐌿𐌷𐍄𐌹𐌽𐍃 𐌿𐌽𐍃𐌰𐍂𐌰,
𐌹̈𐌽 𐌽𐌰𐌼𐌹𐌽𐍃 𐌸𐌴𐌹𐌽𐌹𐍃.

𐍆𐍂𐌰𐌿𐌾𐌰, 𐌰𐍂𐌼𐌰𐌹. (𐌸𐍂𐌹𐌼 𐍃𐌹𐌽𐌸𐌰𐌼)

𐌰𐍄𐍄𐌰 𐌿𐌽𐍃𐌰𐍂 𐌸𐌿 𐌹̈𐌽 𐌷𐌹𐌼𐌹𐌽𐌰𐌼, 𐍅𐌴𐌹𐌷𐌽𐌰𐌹 𐌽𐌰𐌼𐍉 𐌸𐌴𐌹𐌽.
𐌵𐌹𐌼𐌰𐌹 𐌸𐌹𐌿𐌳𐌹𐌽𐌰𐍃𐍃𐌿𐍃 𐌸𐌴𐌹𐌽𐍃.
𐍅𐌰𐌹𐍂𐌸𐌰𐌹 𐍅𐌹𐌻𐌾𐌰 𐌸𐌴𐌹𐌽𐍃, 𐍃𐍅𐌴 𐌹̈𐌽 𐌷𐌹𐌼𐌹𐌽𐌰 𐌾𐌰𐌷 𐌰𐌽𐌰 𐌰𐌹𐍂𐌸𐌰𐌹.
𐌷𐌻𐌰𐌹𐍆 𐌿𐌽𐍃𐌰𐍂𐌰𐌽𐌰 𐌸𐌰𐌽𐌰 𐍃𐌹𐌽𐍄𐌴𐌹𐌽𐌰𐌽 𐌲𐌹𐍆 𐌿𐌽𐍃 𐌷𐌹𐌼𐌼𐌰 𐌳𐌰𐌲𐌰.
𐌾𐌰𐌷 𐌰𐍆𐌻𐌴𐍄 𐌿𐌽𐍃 𐌸𐌰𐍄𐌴𐌹 𐍃𐌺𐌿𐌻𐌰𐌽𐍃 𐍃𐌹𐌾𐌰𐌹𐌼𐌰,
𐍃𐍅𐌰𐍃𐍅𐌴 𐌾𐌰𐌷 𐍅𐌴𐌹𐍃 𐌰𐍆𐌻𐌴𐍄𐌰𐌼 𐌸𐌰𐌹𐌼 𐍃𐌺𐌿𐌻𐌰𐌼 𐌿𐌽𐍃𐌰𐍂𐌰𐌹𐌼.
𐌾𐌰𐌷 𐌽𐌹 𐌱𐍂𐌹𐌲𐌲𐌰𐌹𐍃 𐌿𐌽𐍃 𐌹̈𐌽 𐍆𐍂𐌰𐌹𐍃𐍄𐌿𐌱𐌽𐌾𐌰𐌹,
𐌰𐌺 𐌻𐌰𐌿𐍃𐌴𐌹 𐌿𐌽𐍃 𐌰𐍆 𐌸𐌰𐌼𐌼𐌰 𐌿𐌱𐌹𐌻𐌹𐌽.

𐌲𐌿𐌳𐌾𐌰 : 𐌿𐌽𐍄𐌴 𐌸𐌴𐌹𐌽𐌰 𐌹̈𐍃𐍄 𐌸𐌹𐌿𐌳𐌰𐌽𐌲𐌰𐍂𐌳𐌹 𐌾𐌰𐌷 𐌼𐌰𐌷𐍄𐍃 𐌾𐌰𐌷 𐍅𐌿𐌻𐌸𐌿𐍃
𐌰𐍄𐍄𐌹𐌽𐍃, 𐌾𐌰𐌷 𐍃𐌿𐌽𐌰𐌿𐍃, 𐌾𐌰𐌷 𐌰𐌷𐌼𐌹𐌽𐍃 𐍅𐌴𐌹𐌷𐌹𐍃
𐌾𐌰𐌷 𐌽𐌿 𐌾𐌰𐌷 𐌰𐌹𐍅, 𐌾𐌰𐌷 𐌹̈𐌽 𐌰𐌹𐍅𐌹𐌽𐍃 𐌰𐌹𐍅𐌴.

𐌿𐍃𐍃𐌹𐌲𐌲𐍅𐌰𐌽𐌳𐍃 : 𐌰𐌼𐌴𐌽.

𐍆𐍂𐌰𐌿𐌾𐌰, 𐌰𐍂𐌼𐌰𐌹. (𐍄𐍅𐌰𐌻𐌹𐌱𐌹𐌼 𐍃𐌹𐌽𐌸𐌰𐌼)

𐌷𐌹𐍂𐌹, 𐌹̈𐌽𐍅𐌴𐌹𐍄𐌰𐌹𐌼𐌰 𐌾𐌰𐌷 𐌳𐍂𐌹𐌿𐍃𐌰𐌹𐌼𐌰
𐌳𐌿 𐌸𐌹𐌿𐌳𐌰𐌽𐌰 𐌿𐌽𐍃𐌰𐍂𐌰𐌼𐌼𐌰 𐌲𐌿𐌳𐌰.
𐌷𐌹𐍂𐌹, 𐌹̈𐌽𐍅𐌴𐌹𐍄𐌰𐌹𐌼𐌰 𐌾𐌰𐌷 𐌳𐍂𐌹𐌿𐍃𐌰𐌹𐌼𐌰
𐌳𐌿 𐍇𐍂𐌹𐍃𐍄𐌰𐌿 𐌸𐌹𐌿𐌳𐌰𐌽𐌰 𐌿𐌽𐍃𐌰𐍂𐌰𐌼𐌼𐌰 𐌲𐌿𐌳𐌰.
𐌷𐌹𐍂𐌹, 𐌹̈𐌽𐍅𐌴𐌹𐍄𐌰𐌹𐌼𐌰 𐌾𐌰𐌷 𐌳𐍂𐌹𐌿𐍃𐌰𐌹𐌼𐌰
𐌳𐌿 𐌹̈𐌼𐌼𐌰 𐍇𐍂𐌹𐍃𐍄𐌰𐌿 𐌸𐌹𐌿𐌳𐌰𐌽𐌰 𐌾𐌰𐌷 𐌲𐌿𐌳𐌰 𐌿𐌽𐍃𐌰𐍂𐌰𐌼𐌼𐌰.

𐌰𐌽𐌰𐍃𐍄𐍉𐌳𐌴𐌹𐌽𐍃 𐌱𐌹𐌿𐌷𐍄𐌴𐌹𐌲𐌰 𐌰𐌽𐌳𐌱𐌰𐌷𐍄𐌾𐌴 𐌾𐌰𐌷 𐌱𐌹𐌳𐍉𐍃 𐍃𐌿𐌽𐌳𐍂𐌰𐌹𐌶𐍉𐍃 𐌰𐌿𐍂𐌸𐌰𐌿𐌳𐌰𐌿𐌺𐍃𐌴𐌹𐌽𐌰𐌹𐌶𐌴 𐌹̈𐌽 𐍂𐌰𐌶𐌳𐌰𐌹 𐌲𐌿𐍄𐌹𐍃𐌺𐌰𐌹, 𐍃𐌺𐌴𐌹𐍂𐌴𐌹𐌽𐍃 𐍆𐍂𐌰𐌼 𐌹̈𐍉𐍃𐍄𐌰𐌹𐌷𐌰 (·𐌱:𐌺𐌴·).

The usual beginning of Orthodox services and private prayer in the Gothic language, a translation by 2sh (2025).